Fuloret eo ar Jakobined hag ar “multi-kulti” : kredet he deus Sonia Backès, prezidantez Macronour ar proviñs Su terriñ un tabou : n’eo ket ar gannaked hag Europeiz evit en em veskañ, evit « bevañ asambles ». « Evel an eoul hag an dour » emezi. Rak beviñ a reont e daou ved disheñvel, daou sevenadur disheñvel, div gevredigezh disheñvel, daou zoare disheñvel da wel ar vuhez. Ha Sonia Backès da gomz eus ar sell war ar merc’hed pe eus an demokratelezh.
Er bed kanak, n’eus ket demokratelezh, ar pennoù bras, ar “chefs coutumiers” eo a ziviz eus pep tra ha pep hini a dlee doujañ outo. Ur gaochist hag a souten ar ganaked e Paris n’hallfe ket bevañ er vro kanak gant e huñvreoù kaer ‘m eus aon. Klaskit bezañ “treuz” en ur meuriad kanak da skouer !
Goulenn a ra Sonia Backès e c’hellfe pep proviñs (teir a zo er “C’hailh”) merrañ hec’h aferioù, he zailhoù, hec’h-unan, da lavaret eo reiñ ur seurt emrenerezh d’ar proviñsoù. Un emrenerezh en emrenerezh aze. Ar proviñs su, merret gant ar lealourien, eus he zu hag an div all, proviñs norzh hag an inizi Loyauté, merret gant an dizalc’hourien eus o zu.
Perak pas ? Dre ma n’eo ket ar pobloù evit bevañ asambles, leuskomp pep hini reiñ he aferioù evel he deus c’hoant ha mat pell zo !
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
