Aaaah, « Serge eus Paris ». Ur « greunenn aour » evit Breizh ! E Roz-Lanrieg e bro-Zol d’an 20 a viz gouere e tegouezh archerien en un ti. Ur paotr a zo e-barzh. 8 vloaz. E-unan. Aon en deus. Gwelet en deus e vamm o vont kuit gant un den all. Ha bloñset e oa he fas, ul lagad dam-serret, ar javedoù a-dreuz…
Rak « Serge » a zo degouezhet eus Paris un nebeut a-raok. Ha war e du fall e oa ! O klask war-lerc’h 1500€ mui sac’hadigoù kokain. Ur vamm-gozh en he 75 bloaz a oa sañset c’hoari ar vagourez evit an dramm. Normalamant e oa bet kuzhet ar varc’hadourezh ganti en ur pezh arrebeuri dindan alc’hwez ha Serge a oa sañset kemer anezhi ha kuit. Met en ospital emañ ar vamm-gozh, war-se he deus leusket an afer d’ur vignonez dezhi. Siwazh dezhi, n’emañ ket ar c’hokain hag an arc’hant el lec’h ma oant sañset bezañ. Ha Serge zo fuloret ! Alese e sko gant ar paourkaezh plac’h ha ne ouare ket pelec’h e oa ar varc’hadourezh. A-benn ar fin ha goude bezañ bet skoet kant gwech warn-ugent e semplas er c’harr-tan. Ha Serge, souezhet, a dapas e fall. Ar pezh a savetas ar vamm.
Dirak lez-varn Sant-Maloù n’eo ket fier ken Serge. Hag eñ ur mailh war an trafikañ dramm hag ar feulster : 13 menneg war e roll lez-varn hag eñ 29 vloaz nemetken ! Met d’an 13 a viz eost e oa 20 vloaz toull-bac’h war e chouk. Gloazet eo ar vaouez, drailhet he nervenn optikel memes !
A-benn ar fin e vo kondaonet Serge da… bevar bloavezh toull-bac’h (ha n’eo ket 20) mui ur vloaz gant goursez. Hag arabat dezhañ distreiñ da Il-ha-Gwilun pe er Manch a-raok pell !
Mod-all e vo kaset d’ar c’horn ?
Crédit photo : DR (photo d’illustration)
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
