Laouen e oa tud ar vugale skoliataet e skol bublik Mathurin-Méheut eus Lambal : digoret e oa bet un trede klas divyezhek brezhoneg-galleg en distro-skol ! Met buan-tre e teuas an triñchin war-lerc’h ar pour : ne oa skolaer brezhonegour ebet evit ober war-dro ar vugale ! Anvet e oa bet ur skolaerez ha ne ouie ket brezhoneg.
Sevel a reas ar gerent o mouezh oc’h en em tolpañ dirak ar skol d’ar 6 a viz gwengolo. Meur a bennad a oa bet embannet war an afer goude-se.
Burzhud ! Buan-tre e voe kavet ur skolaer divyezhek gant ar rektordi : Malo Guillanton e anv. Ober a raio war-dro ar re CP/CE1.
Crédit photo : DR
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
