E Lavreer-Botorel ha Diwazh-Liger ez eus bet pe e vo staliet, e pep kumun, un ugent bennak a gameriaoù videogwarez. « Videogwarez ha n’eo ket videoevezhierezh » a zispleg d’ar gazetenn lec’hiel « l’Hebdo de Sèvres et Maine » Emmanuel Rivery maer Lavreer-Botorel. Da lavaret eo e vez filmet lec’hioù zo hag ar videoioù a c’hell servij da zirouestlañ aferioù zo met n’eus den ebet a-hed an devezh hag a-hed an noz o sellet ouzh ar skrammoù.
E Diwazh-Liger e vo staliet 19 kamera evit poent, ar pezh a gousto 176 000€ d’ar gumun.
Abaoe m’eo bet staliet seurt kamerioù e Sant-Juluan-Kankell, ar gumun kentañ er Gwiniegi o staliañ kameraioù, ez eus bet espernet 50 000€. Kar a-raok ar c’hameraioù e veze dispignet ar sammad-se evit cheñch an ekipamantoù publik drailhet, diverkañ an tagoù, …
E Lavreer-Botorel, abaoe m’eo bet staliet ar c’hameraioù kentañ, e servijas ar skeudennoù e-barzh peder afer dija.
Crédit photo : DR
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
