Fin an istor ? Abaoe tri bloaz ez eus anv eus « kreizenn ar vell-droad » e su al Liger. Sez kevread mell-droad « Broioù al Liger » a oa sañset bezañ dilojet da Waled zoken, e takad an Dorices. A-benn ar fin ne vo ket. Ha koulskoude e oa avañset mat ar raktres : un dachenn a 8 hektar a oa bet miret, ur raktres hollek a oa bet raksavet gant ur program ekonomikel, yec’hedel, touristikel ha sportel ennañ. Etre 15 hag 20 milion € a oa wa an daol memestra ! Ur savadur a 5000m² a vefe bet savet mui tachennoù mell-droad mui kalz traoù all.
Met ne jaoj ket ar raktres-mañ ouzh al lezennoù nevez war an endro. Da gentañ holl, ha pa ne oa ket an dachenn war un takad gleborek e oa ur redi da gavout 15 hektar en ur lec’h all « evit kempouezhañ ». An dour da skarzhañ a oa ur gudenn da zirouestlañ ivez rak e vefe bet savet ar greizenn war daou ziazad doureier. Servij an arkeologiezh en doa goulennet e vefe graet furchadegoù ivez mui traoù all…
A-benn ar fin en deus lavaret « harz » ar c’hevread. Re gompliket an traoù e Gwaled ! Emañ o klask ul lec’h war-hed 30-40 km eus Naoned rak beuzet e vez ingal e dachennoù mell-droad e Sant-Seb’ m’emañ e sez abaoe bloavezhioù.
Diaes ar vuhez evit bed ar mell-droad e Bro Naoned abaoe reuz Kêr Itron al Lannoù : an FC Naoned a felle dezhañ kas e greizenn-bleustriñ e-kichen Ankiniz e-pad ur mare, met amañ ivez e oa re a skoilhoù a bep seurt da stourm outo.
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
Une réponse à “Kreizenn ar vell-droad : ne vo ket e Gwaled !”
Diaes eo pep raktres bremañ. Re a redioù re a lezennoù. Ezhomm he deus ar vro muioc’h a frankiz