O chom ‘ba Gwaled e oa an istrogell-mañ. ‘Ba kamp an dermajied. Gouez dezhañ e oa un « toer ». Ha mont a rae da gaout tud kozh evit netaat o zoenoù kar « divousour » eo, kentoc’h evit toer. Anat deoc’h e oa marc’hadmatoc’h (hervezañ) evit artizaned ar vro, ar re a ra labour propik.
War enez Yeu, e Bro Vañde, e 2020 en doa kavet bobeleed, tud hag a grede ober afer vat gantañ, un hanter zousennad bennak memestra. Tud kozh nemetken. Dam-netaat a rae o zoen, gant produioù difennet evel just, klor hag all, ha neuze e c’houlenne gante chekennoù dizanv. « E yan da lakaat ma-un' » a lâre-eñ. Fidamdoue ! Cheñch a rae an deiziad evit ma vefe diaesoc’h da nagenniñ kalite al labour ha goude n’o doa an dud netra da lâr’.
Un deiz e voe hopet gant ar jañdarmed ma adlavaras dezhañ gwirioù ar vevezerien. Me ‘gomz dit ! Kendalc’h a reas gant e itrikoù o cheñch an deiziadoù war ar chekennoù. Digant tud kozh ha bresk o spered en deus goulennet 7000€ memestra, hag evit labourioù dister !
A-benn ar fin eo bet serret gant an jañdarmed un eil gwech. A-raok o doa kuzuilhet dezhañ da guitaat an enezenn kar tud a oa war e lerc’h dija. E penn-kentañ miz mae eo bet kondaonet gant lez-varn Naoned : 3000€ a gastiz. Da lavaret eo nebeutoc’h evit netra.
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
