D’al lun 24 a viz c’hwevrer e oa tolpet ur strollad tud dirak prefeti Sant-Brieg. Tud bugale hentenn divyezhek skol bublik Kastellaodren-Plagad e oa hag ar gannadez LFI Murielle Lepvraud a oa gante evit o souten.
Reklemet e oa bet, ar bloaz-mañ, gant ar gevredigezh Div Yezh Kastellaodren ur post ouzhpenn evit an hentenn divyezhek kar muioc’h-muiañ a vugale enskrivet a zo. Nac’het eo bet gant an akademiezh ! Betek-henn he doa an hentenn ur « sikour pedagogel da c’hortoz » met poent e oa kaout ur post da vat.
D’al lun 24 e oa ur C’huzul Departamant an Deskadurezh evit kadarnaat ar gartenn skol 2025 ha fellout a rae da dud ar vugale sevel o mouezhioù evit ma vefe klevet betek er sal-emvod.
Crédit photo : DR
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
