Gwasoc’h-gwasañ an traoù ‘ba Gwened hag e oe ur gêr ken trankil gwezharall. Gwezharall e yahe an dud d’An Oriant aveit festalhiñ ha c’hoari get ar merc’hed daouliarded. ‘Ba Gwened ne oe ket ‘met an Dragoned a c’hoarie ar baotred fall ‘ba straedoù Gwened ha c’hoazh.
Bremañ e c’hell Gwenediz bout taget ‘ba korn forzh peseurt straed. ‘Ba kreiz-kêr eh eus ur jardrin publik : jardrin Limur an hini eo, ur lec’h kaer eo ma vez Gwenediz é pourmen o c’halite (ha tud a galite eo tud Gwened kaer eo goût !) peotramant é lenn edan ar gwez.
D’an 2 a viz even e voe ur paotr yaouank é pourmen justamant b’ar jardrin-mañ da vare serr-noz. Allas, eñ a gejas doc’h ur strollad paotred kailh hag a faote dezhe gober un taol fall. Skoas a rekont getoñ ha laeret e bellgomzer sakod. 17 vlez a oa ar paourkaezh paotr. Klask a reas achapiñ mes an tropell a zaas a-benn da dapout krog ennañ. Ha dao, ar biladeg !
Monet a reas da sevel klemm b’ar c’homiserdi ur wezh lipet e vlesoù. Deskriviñ a reas e dagourion ha daou anezhe a voe tapet kerkent ha da c’houde e voe tapet ar re arall. E penn kentañ ar GAV e nac’hjont ar fedoù kar n’eo ket tud kourajus anezhe mes get imajoù ar video-evezhierezh e rankjont anzav o fec’hed.
N’eo ket bet rezisaet peseurt doare hailhoned e oe, mes…
Crédit photo : DR
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
