Arfolk eo an ti-embann sonerezh hag he deus adprenet katalog sonerezh ar C’hoop Breizh. Bremañ e ra war-dro ur c’hatalog sebezus, dezhañ tost 500 a bladennoù, a gaver evel pladennoù gwir pe en ur stumm fizikel ha niverel, ar pezh a ro tro d’an arzourien da vezañ selaouet dre ar bed a-bezh dre un nebeud klikoù hepken. « E-touez an arzourien brudet e Breizh hag er bed a-bezh o deus sinet gant Arfolk bout zo Annie Ebrel, Denez Prigent, Carlos Nuñez, Rozenn Talec, Robin Foster, Gilles Servat, Red Cardell, Annie Ebrel, Ampouailh, HM5 Laz-seniñ Broadel Breizh ha kalz re all. »D’an 23 a viz even eo bet sinet live 2 ar garta Ya d’ar Brezhoneg gant Arfolk hag e rener Romain Sponnagel e Gwareg (22). « en ur sinañ war-eeun live 2 ar garta e kadarna Arfolk e engouestl evit ar brezhoneg ». Dirak kalz a dud brudet eo bet sinet ar live 2-mañ, en o zouez Rozenn Talec, ur vaouez arouezus eus ar c’han brezhonek, Paul Molac, Prezidant Ofis Publik ar Brezhoneg, Jérôme Lejeart, Maer Gwareg ha Sandrine Le Nouvel, Prezidantez KKKB (Kumuniezh Kumunioù Kreiz-Breizh).
Crédit photo : DR
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
