Un taos nevez, atav telloù nevez ! E Bro-Skos ez eus bet ijinet un taos nevez gant strollad Ar re C’hlas : unan war an tiez-hañv ar wech-mañ. Herveze e c’hello an arc’hant dastumet bezañ lakaet ‘barzh raktresoù « evit gwareziñ ar gouezeleg ». Embannet eo gant Ross Green, ezel eus ar strollad, e vo prezantet un danvez-lezenn war an dra-se er parlamant emren d’an diskar-amzer.
Er c’humuniezhoù gouezelegour ez eus muioc’h-mui a eil-tiez hag a Airbnbioù, ar pezh a lak ar re yaouank da vont kuit evit en em staliañ e lec’hioù ma ne vez ket komzer gouezeleg. Kement ha kemer ur skouer : en enez Skye e vez uheloc’h a £60 000 priz ar madoù leve eget e peurrest eus Bro-Skos. Ha 60% eus an tiez a zo eil-tiez pe tiez da feurmiñ.
Met daoust hag eo dre sevel taosoù nevez e vo savetaet ar gouezeleg ? Amañ emañ an dalc’h.
Crédit photo : DR
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
