Spontet eo bet tud An Turball gant muntr Soizick Jarno, ur gelennerez war he leve. Ur plac’h trankil, uhel ha jentil e oa hervez tout an dud. Kavet e oa bet he c’horf d’al lun 08 a viz gwengolo tra ma oa an tan en he zi eus ar straed Maréchal-de-Lattre-de-Tassigny.
Abaoe an deiz-se, e oa an archerien o klask war-lerc’h he mab Noé. Advabet e oa bet hennez, en Haïti, d’an oad a daou vloaz. Ha ne oa ket ur paotr sioul. Tan a oa etre eñ hag e vamm, dreist-holl abaoe ma oa deuet da vezañ ul laer.
Kerkent ha ma oaras kerzhout, forzh penaos he doa bet problemoù gantañ. Hag eñ krennard e tleas maer An Turball hag an archerien mont etre eñ hag e vamm.
Ha goude e krogas gant e hent fall. Komañsiñ a reas da laerañ an tiez hag ar goñversanted. Ar pezh a vouetas ur roll lez-varn hir evel an drougamzer. E miz c’hwevrer 2023 e voe kondaonet da dri bloavezh hanter a doullbac’h evit bezañ laeret ur pizzeria e Donez. Aotreet e oa bet gant ar prizon da aveliñ e benn e-pad un deiz pe zaou met profitañ a reas eus an amzer-se evit laerañ stalioù e kreiz an deiz. C’hwec’h en holl e Saint-Seb’, e-kichen Naoned ! Un deiz e vrakas ur marc’hadourez bleunioù hag e teuas antronoz evit he laerañ en-dro ! ‘fin ar gont e vo serret just a-raok ur brakaj all.
War-dec’h e oa evel just rak ne oa ket distroet d’an toull-bac’h goude e goñje. Hag en defe bet amzer da vont d’An Turball evit lazhañ e vamm ha lakaat tan en he zi ? Setu ar pezh o defe c’hoant gouzout an archerien… Ha zo gwasoc’h : meur a amezeg o deus gwelet anezhañ o rodal tro-war-dro da di e mamm an deiz a-raok e vefe kavet korf ar paourkaezh maouez.
Serret eo bet ar mab dinatur d’an 11 a viz gwengolo. 23 bloaz eo. Emañ an archerien oc’h atersiñ anezhañ.
Crédit photo : DR
[cc] Article relu et corrigé par ChatGPT.
Breizh-info.com, 2025, dépêches libres de copie et de diffusion sous réserve de mention et de lien vers la source d’origine..
