Ur strollad punk anarkour a sav e vouezh a-enep ar feministed ag an tu-pellañ !

Evit ur wezh, setu punked hag a zo gwir punked anarkour anezhe ! Ar strollad JEM 2000 a Dhionville (Bro-Loren) hag a dolp daou baotr ha div blac’h, en deus embannet ne sono ket d’ar festival les Révoltés a Nancy d’an 30 a viz mae. Ur festival « enepfaskour » ha « feminist » eo Les Révoltés, ha get ar « Révoltés »-mañ e vo aozet sonadegoù difennet d’ar « baotred cis », da lavaret eo ar baotred normal. « Dre m’omp ur strollad punk dieub ha kemmesk omp a-enep forzh pesort doare seksism a vehe » en deus skrivet JEM 2000. Ur strollad punk a-enep an tropell wokist, abaoe pell zo n’eus ket bet unan evel-se !

Evel rezon, kerkent ha embannet an diviz-mañ àr ar rouedadoù sokial ar strollad en deus paket ur lañvad burutelloù a-berzh ar feministed ag an tu-pellañ hag ar gaochisted troet sot.

Ha setu int lakaet da « faskourion » get kamaladed zo memes !

‘ba MJC an tri zi ‘ba Nancy e vo ar festival Les Révoltés ar blez-mañ. Ha evel rezon n’eo ket mui ur festival punk mod-kozh, evel ma oe da vare ar gwir punked, mes ur c’hatalog a dout ar sotonioù wok a zo àr ar marc’had.

Pedet eo bet strolladoù rap ivez gant ar gaochisted mes..dre vras eo kanerion he kanerezed gwenn ha n’eo ket rapourion ag ar « site ». Ha souezhus eo ?

Foto : tapadenn skramm sonadeg JEM 2000

[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.

Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.