War lec’hienn Quimper Cornouailles Développement, un ajañs kêraozañ ha diorren ekonomikel eus Bro Gemper, zo bet lakaet en-linenn ur manifesto anvet « Amzer ar vezh zo achu« . Gant ur strollad tud yaouank zo bet skrivet, 13 den en holl : Anna Robert, Anne Letailleur, Camille Diquélou, Clémence Ligen, Enora Bogard, Erell Lahuec, Jeanne Spriet, Kadvaël Jolivet, Ludivine Cruau, Lukaz Nedeleg, Morgane Lincy-Fercot, Pierre Nozet, Youenn Boulic. War a seblant eo bet peurskrivet ar manifesto-mañ e miz kerzu 2025 met prezantet eo bet d’an dud d’ar sadorn 25 a viz gouere e-kerz Gouelioù Kerne, ar festival kozh-noë a zo bet an dibenn-sizhun-mañ e kêrbenn Bro-Gerne.
Dek poent az a d’ober ar manifesto-mañ (skrivet e galleg gant frazennoù e brezhoneg amañ hag ahont). Mesk-ha-mailh e kaver traoù anat mui pe vui : evit ma ne vefe ket « mirdiket » sevenadur Breizh, evit mont pelloc’h eget ar frailhoù etre rummadoù-oad, fin ar « bedig », …
Mat-tre ha pa eo komzoù boutin dreist-holl.
Siwazh chom a ra re yaouank-se bac’het en o bedig-bed, ar bedig eus an tu-kleiz pellañ, blaz ar wokism gantañ. Taolomp ur sell war ar poent 8 da skouer :
Hag e c’heller mont pelloc’h : Ar vrezhonegerien yaouank bremañ a lenn Breizh-Info pe a skriv war Breizh-Info memes ha n’eo ket lizher-kelaouiñ an UDBy.
Setu ur manifesto « gwellaour » ha pozitivel neuze, ar pezh zo mat en ur mod :
Met, feiz ! Na drist eo gwelet tud yaouank ken techet da heuliañ « spered brein an amzer-vremañ ». Un afer a rummad-amzer eo moarvat. Abaoe ar bloavezhioù 2010 emañ holl heñvel ar re yaouank eus an tu-kleiz. Gwisket heñvel. Heñvel o doare da fichañ o blev. Heñvel o mennozhioù. Heñvel.
Pegoulz e teuio en-dro ar gwir emsavidi ?
Youenn eus Kemper
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
Une réponse à “Kemper : ur manifesto (wok) evit sevenadur Breizh”
Gwir eo, na drist eo! An dud-se eus an tu kleiz a zo bepred ur meskaj etre sotoni, lorc’h (a ya asambles alies), strizhder, hag emzistruj. Petra a c’heller ober? Kement-se ne vir e mod ebet ouzh an dud ordinal da genderc’hel da gomz brezhoneg ha da c’houlenn e implij er vuhez pemdeziek. Ne zleomp ket, dindan degouezhioù ebet, lezel ar privilej-se d’ar c’haochisted. N’int ket hêritourien hor sevenadur.