Merzhelieg (44) : Termajied a daol eoul-maen war an archerien (ha war an hent-tizh)

Aon bras o deus bet an archerien d’ar 6 a viz gwengolo : E kreiz an noz setu int galvet da vont da rodal en un takad artizaned eus Merzhelieg, etre Naoned ha Gwened. Amañ e wellont tri den o laerañ eoul-maen en un embregerezh. Tec’hout a ra kuit an tri den ha kroget ar redadeg kirri-tan.

Gant ar foeltr e kemer al laeron penn hent Naoned. War an hent e kammigellont ken e teuont da vezañ ur gwir dañjer evit ar c’hirri-tan all. Ha neuze e krogont da deurel an eoul-maen laeret kuit da vezañ tapet gant an archerien. Eoul-maen e pep lec’h war an hent, gant an dañjer e krogfe an tan e-barzh !

Etre 140 ha 180 km e teu a-benn ar soudarded da chom mestr war o oto, ha risklus-tre an hent abalamour d’an esañs.

A-benn ar fin setu karr-tan al laeron o vont tre e kamp termajied eus Orvez. Mont a ra an archerien betek penn o hent hag o labour daoust d’an dañjer ha tapet an tri Rrom ganto.

Daou eus an tri hailhon a zo serret a-benn ar fin : un den deuet hag ur minor. Pelec’h emañ an trede hini ? D’an diaoul surawalch !

D’ar yaou 08 a viz gwengolo eo bet kondaonet da zaou vloavezh toull-bac’h ar paotr en e dregont vloaz. Diwezatoc’h e vo galvet ar paotr yaouank dirak lez-varn ar vugale. Leun chouk e oa roll an den deuet dija, ul linenn ouzhpenn e vo evitañ, tra ken.

Crédit photo : DR

[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine

 

Laisser un commentaire

Votre adresse e-mail ne sera pas publiée.

- Sécession la première parution de Yann Vallerie, rédacteur en chef de Breizh-info -

- Je soutiens BREIZH-INFO -

PARTAGEZ L'ARTICLE !

LES DERNIERS ARTICLES

ARTICLES LIÉS

ABONNEZ VOUS À NOTRE NEWSLETTER

Pas de pubs, pas de spams, juste du contenu de qualité !