E Mouster-al-Loc’h, e Liger-Atlantel, e oa bet isaet ar Gwenn-ha-du e kreiz, etre an triliv ha banniel ar C’hoarioù Olimpek, dirak an ti-kêr. A-gleiz e oa an triliv hag a-zehou banniel ar C’hoarioù Olimpek. E miz gouere e oa bet lakaet ar bannieloù e-giz-se gant an aotrou maer Thierry Noguet. Ur promesa e oa ha n’en doa ket Thierry Noguet torret e c’her.
Met ne blijas ket da jakobined zo ha pellgomzet eo bet d’an archerien gant flatrerien ! Hervez al lezenn e tle an triliv, banniel Bro-C’hall aze, bezañ e kreiz ha n’eo ket ar Gwenn-ha-du. Ha goude an archerien eo bet ar « Renseignements Territoriaux » hervez ar gazetenn en-linenn Saint-Nazaire News hag o deus pellgomzet d’ar maer ! Hennezh a blegas a-benn ar fin ha setu lakaet an triliv e kreiz.
Evit derc’hel soñj eus an afer en deus Thierry Noguet miret foto ar Gwenn-ha-du e kreiz… war e bajenn Facebook memestra !
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
Une réponse à “Mouster-al-Loc’h (44) : ar maer flatret evit bezañ lakaet ar Gwenn-ha-du e kreiz”
Chañs hon-eus da gaout maerioù pennek evid talã wzh ar jakobined. Menoz vat en-deus bet gand vired skeudenn an ti-kaer a-raok dile’hiã ar bannieloù.