‘Ba skol Jean-Monnet a Vegnen eh eus ur c’hlas divyezhek… sañset ! Dibaoe an distro-skol 2003 n’eus ket mui a gelennour berton. Hag e 2022-2023 e oa bet nav skolaer dishañval !
Ag e du, kevredigezh ar gerent a glask derc’hel bev ar yezh ‘b’ar c’hlas dre aoziñ abadennoù kaniñ, kontiñ istoerioù ‘ba hor yezh, abadennoù sinema e berton a vez kinniget d’ar vugale ivez.
A zo gwasoc’h : ur c’helennour unyezhek a zo e karg ag ar c’hlasad-mañ a 9 live ! Betek bremañ e oa un hanter-bost oc’hpenn aveit e sikour. Klevet o deus tud ar vugale e vo lammet an hanter-bost-mañ a-benn miz gwenholon a za. Hag e chomo ar skolaerez ?
Arru eo skuizh tud Begnen get se. Reklem a reont e vehe anvet ur c’helennour berton ‘ba skol o bugale ha miret an hanter-bost oc’hpenn !
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
