Lakaet eo bet enlinenn hentad ofisial ar Redadeg 2026 d’an 18 a viz here. Hag ar bloaz-mañ e loc’ho ar Redadeg eus Lannuon. E Naoned e arruo ar rederion ur sizhun war-lerc’h goude bezañ galoupet 2226 km a-hed hentoù ar 5 departamant.
Evel ar pezh a weler war ar gartenn e vo galoupet kalz a-hed ar mor ar bloaz-mañ, e Breizh-Izel dreist-holl. Bihan-tre eo ar rann a dremeno dre Vreizh-Uhel (un tamm e Bro-Roazhon hag etre Roazhon ha Gwenrann ha, goude-se, etre Gwenrann ha Naoned a-hed al Liger).
Loc’hañ a raio ar Redadeg d’ar Gwener 8 a viz Mae eus Lannuon evit degouezhout e Naoned d’ar Sadorn 16.
Ar re intereset a c’hello prenañ kilometradoù evel boaz. D’ar Sadorn 25/10 e vo lañs ofisiel ar werzh e-pad gouel al levrioù e Karaez.
Illustration : Ar Redadeg
[cc] Article relu et corrigé (orthographe, syntaxe) par ChatGPT.
Breizh-info.com, 2025, dépêches libres de copie et de diffusion sous réserve de mention et de lien vers la source d’origine
