Abaoe 2018 e c’hellfe ar c’horsad Petru Alessandri bezañ e hanter-frankiz. Kondaonet e oa bet e 2003 e-barzh afer muntr ar prefed Erignac gant lez-varn ispisial Paris. Ur strollad a vroadelourien gorsad distag diouzh an emsav broadel hag ar strolladoù all e oa ar C’homando Erignac.
22 vloavezh a doull-bac’h en doa tapet eñ daoust ha ma oa bet dister e rol er muntr. Asantet e oa bet nevez zo gant lez-varn dedalvezout ar c’hastizoù e vefe bet dilojet eus prizon Poissy e Bro-Paris da greizenn Borgu e Korsika. Aze e vefe bet moaien dezhañ mont er-maez e-pad an devezh ha distreiñ d’an noz da gousket en toull-bac’h. Allas ! Graet en deus galv al lez-varn enesponterien. Chom a raio Petru Allesandri en toull-bac’h e Bro-C’hall, pell eus e re, evel ar brizonidi bolitikel gorsad all, Yvan Colonna ha Alain Ferrandi en o zouez.
62 vloaz eo Petru Alessandri ha klañv eo.
