E Bro Daoudour (Bro-Zinan) emañ Kaon. En Argoad, pell eus ar mor. An hañv-mañ e oa sañset ar gumun aozañ sonadegoù er bourk. Ar wech gentañ e oa evit ur gumun ken bihan. Siwazh, a-raok ma vefe aozet an hini gentañ, an 30 a viz gouere, e sonas pellgomzer an aozerien : hervez is-prefeti Dinan e ranke ar gumun kontrolliñ ar passoù yec’hed evit ar re a felle dezho mont da zañsal pe selaou ar muzik. Just a-raok an abadenn gentañ ! Nac’hañ a reas an aozerien c’hoari ar fliked ha nullet eo bet kerkent ar sonadeg. Un eil a oa bet war ar roll evit ar 06 a viz eost. Nullet eo bet ivez gant ar gevredigezh.
E plasenn ti-kêr Kaon ez eus kadorioù ha taolioù bet staliet gant an ti-kêr met n’ez eus den ebet azezet warno pe dost. Na drist !
Klask a ra bourkoù bihan eus an Argoad sachañ touristed ha derc’hel anezho dre aozañ abadennoù a bep seurt ha setu penaos e vezont skoilhet ! Abalamour da zivizoù melestradurel toull evel just.
Crédit photos : DR
[cc] Breizh-info.com, 2021, dépêches libres de copie et de diffusion sous réserve de mention et de lien vers la source d’origine
