Ar videoioù kentañ a zo bet filmet ! Ar chadenn skinwell web kentañ e gallaoueg, Galoweb hec’h anv, zo vont da skignañ programoù e gallaoueg a-benn nebeut. Ganti e vo produet videoioù evit ar familhoù hag ar vugale da gentañ a-raok mont pelloc’h da c’houde.
Ar videoioù kentañ a zo o paouez bezañ filmet e Pluverin e Bro-Gwened. Mod “Toutouig” eo ar videoioù-se, da lavaret eo rimadelloù pe kanaouennoù dibunet pe kanet gant merc’hed ha paotred yaouank, en oad da gaout bugale bepred. A-barzh nemeur e vo moaien o sellet war galoweb.bzh.
Gant LB Krouiñ eo bet lañset Galoweb, da lavaret eo Lionel Buannic hag e skipailh. Gant an hevelep re e vez graet war-dro Brezhoweb hag Oc Tele endeo.
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
3 réponses à “Galoweb : Ur chadenn web e… gallaoueg !”
N’emañ ket ar brezhoneg da vezañ sellet evel al luc’hajoù gallaouek, yezh vroadel Breizh eo !
Kae da sutal, jakobreizhinour daonet ! Echu gant se, bevet ar gallaoueg, hor yezh roman eo !
N’heller ket keñveriañ brezhoneg ha “gallaoueg”. Hemañ n’eo ket unvvan etre Pordig ha Pornizh ! Pelec’h emañ o “Barzhaz Breizh”, o skrivagnerien ? O skolioù brezhonek, hag all ? N’eo ket dedennet an dud gant ar gallaouegoù a zo holl komprenus pa gomzer galleg. E gwirionez ez eo ur stultenn evit gwanaat ar brezhoneg evel yezh vrodel Breizh, a zo eñ gouest da vezañ par d’ur yezh a vremañ ? Penaos e lavarit e ‘gallaoueg’ Fuc’hell etrekevandirel derc’hanel liespennek ?!