N’eo ket laouen labourerien douar Bro-Gwiniegi : e Gored, da geñver an Hellfest hag a grogo d’ar 17 a viz even, e vo savet parkva brasañ Bro-Frañs (brasoc’h eget hini Disneyland !). Hervez an FNSEA hag ar JA e vo saotret an douar gant kement a girri-tan (12 000 !). Ha zo gwasoc’h : 35h a winiegi a vo tennet e-korf tri devezh evit hen ober ha ne ouier ket hag artifisializet pe get e vo an douaroù. Ma’z int artifisializet da vat e c’houlenn al labourerien douar e vefe kempouezet koll an douaroù-mañ evit ar filierenn.
Hag int oc’h addegas da soñj eo kontet atav douaroù mat evit al labour-douar an douaroù ma vez aozet bep bloaz ar gouel daoust d’an akipamantoù a zo bet savet tamm-ha-tamm war an dachenn.
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
