E Sant-Nazer ez eus ur c’hoffee shop a-seurt gant ar re a vez gwelet en Izelvroioù : an TRB Coffee Shop an hini eo. Skrivet eo ouzh moger ur savadur eus straed ar Fréchets. An holl dud zrammet a anav ar poent deal-mañ er vro.
Ar pezh zo, anavezet eo an TRB Coffee Shop gant ar boleserien eus komiserdi Sant-Nazer ivez. Ha d’ar 05 a viz gouere e voe serret unan eus an dealerien a zo o rodal tro-dro d’an TRB. 2250€ ha 17 kon a gokain a voe kavet e dilhad ar paotr en e 22 vloaz. Kaset dirak al lez-varn ez eus dija 8 menneg war e roll lez-varn dija, ur c’hampion anezhañ ! Forzh penaos e miz even pa adstagas gant an trafikañ dramm e oa o paouez bezañ dibrizonet evit… trafikañ dramm !
Ur gwir ifern eo an TRB Coffee Shop eus Sant-Nazer evit annezidi ar savadur. E toull ar skalieroù ez eus betek 20 den o c’hortoz o sac’hadig a-wechoù. Rediet eo bet tud ar savadur da chom hep mont war o fondalez-diavaez gant an dealerien, kuit da ziaezañ an trafikañ. A-nes komz eus ar feulster ! Ha tud munut eo annezidi straed ar Fréchets.
Kondaonet eo bet an trafikour d’ar 04 a viz eost gant lez-varn Sant-Nazer : 18 mizvezh toull-bac’h. Ouzhpenn-se emañ forbannet eus Sant-Nazer e-pad 5 bloaz. Daoust da se ne gompren ket perak eo bet kondaonet. Evitañ eo an trafikañ dramm ul labour evel ar re all.
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
Une réponse à “E Sant-Nazer, an TRB Coffee Shop…”
Ret ‘vefe skrivañ : « Daoust da se ne Gompren ket perak eo bet kondaonet » (G e-lec’h K)