Ampouezonet eo kêr Sant-Nazer gant an trafikañ dramm. Ur spont ! Embannet eo bet gant ar maer PS David Samzun e vo lakaet e « steuñv ober » e pleustr evit cheñch penn d’ar vazh. Da gentañ-holl e vo kreñvaet ar polis-kêr. 10 poliser a oa e 2016 pa voe savet ar servij, a-benn 2023 e vo 10 gwazour ouzhpenn ! Ha petra vo lavaret gant LFI ? Setu 10 « drouglazher » ouzhpenn o klask boued er straedoù, neketa ?
Karter Méan-Penhouët a zo e kreiz an divizoù. Deuet eo ar c’harter-mañ da vezañ kreizig-kreiz an trafikoù e Sant-Nazer. Hag eñ karter micherourion ar Chantieroù gwechall ! Gant an tavarnioù ma’z ae kantadoù a vichourion o pakañ ur banne goude o devezh labour ! Bremañ emañ kentoc’h ar c’harter e dalc’h poblañsoù zo…Met peseurt re, livirit din ?
Ouzhpenn d’ar polis-kêr e vo kreñvaet ar sistem a gameraioù evezhiañ ivez : 500 000€ a vo lakaet e-barzh gant an ti-kêr ! 40 kamera a seurt-se a zo dija e Sant-Nazer ha 40 ouzpenn a vo staliet a-benn 2023, en o zouez 6 e karter Méan-Penhouët. Mod-se e c’hello an drafikerien tennañ warno ?
Ur c’hi enep-drogach a vo prenet evit sikour ar boleserien-kêr ivez.
Evit poent n’eo ket bet klevet huchadennoù an dilennidi LFI er c’huzul-kêr.
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
