Plijadur zo er busoù ag ar STAR e Roazhon er mare-mañ ! E-korf un euriad zo bet teir zagadenn diriaou paseet (10/11). Àr ar linennoù C4, C6 ha 53 eo bet arruet an traoù. Àr ar C6 (Saozon-Sevigneg > Sant-Jakez Ar Lannoù) eo c’hoarvezet an dagadenn gentañ : ur paotr a huche a-barzh e bellgomzer hag a lavare gerioù groñs. Goulennet eo bet getañ paouez get bleinour ar bus. Kanet pouilh zo bet d’ar paourkaezh den ha gourdrouzet àr un dro get paotr e bellgomzer !
Goude-se eo bet kunujennet ur bleinour get ur vaouez àr ar C4 (ZA Sant-Sulpis > Grand Quartier) ha neuzen àr an hini 53 (an hini a ya betak Chapel-Felgeriz) eo c’hoarvezet an dagadenn diwezhañ : ur pratik fallgontant en deus bannet e droderezh doc’h gwerenn-dal ar bus !
Emañ ar sindikadoù é seniñ ar c’hloc’h. Met dre faot piv e c’hoarvez tout-se ? Ha moiaen zo da c’hoût peseurt doare tud o doa graet an tagadennoù-se pe n’eo ket « politically correct » ?
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
