« Sotoc’h eo eget ma botez kleiz » a vez lavaret e brezhoneg. Hag ar pezh sot aze a jaoj mat ouzh ar skudenn-mañ ! D’an 30 a viz even, evit « vañjiñ Nahel peurlazhet gant ar polis faskour » o doa bandennadoù hailhoned preizhet kreiz-kêr Sant-Nazer. Ur gwir razzia mob Barbaresk ! 24 stal a oa bet gwastet ha « netaet » gant « ar re zaoned eus an douar » Afflelou, ar FNAC, burevioù butun, Foot Locker, Zara, Mc Do, … Plijout a rafe d’ar gaochisted e vefe bet taget pretioù chik, ajañsoù-tiez, arouezioù ar C’hevala aze met… n’eo ket ! Preizhet eo bet « tamploù ar vevezerezh » gant tud ha ne reont foutr-kaer eus ar bolitikerezh hag ar mennozhioù eus an tu-kleiz. Peseurt doare tud e oa ? D’ho soñj… ?
16 anezho a zo bet serret gant ar polis da vihanañ. 10 a zo bet kaset dirak lez-varn Sant-Nazer d’ar sul 2 a viz gouere, minored en o zouez. Ur mailh e oa an hini koshañ. Un tregont vloaz den ha gantañ dija 33 menneg war e roll lez-varn. N’eo ket fall met gallout a ra ober gwelloc’h ! Hemañ a zo bet serret o laerañ sigaretennoù en ur buro butun. Ur gwir bolchevik ! Unan all a zo bet serret gantañ nav botez… kleiz ! Diaes da werzhañ anezho… en ur c’hendalc’h a dud dic’haret marteze…
Tañset int bet holl met da betra ‘servijas ? Kerkent hag an noz war-lerc’h e oa adlañset ar jeu e kreiz-kêr Sant-Nazer. Ha pilhaet stalioù all.
Evit poent n’eo ket bet embannet ar republik micherour ha demokratik eus Sant-Nazer c’hoazh. Met e karterioù zo ez a mat gant an trafikañ botoù chik pe dilhad cheuc’h avat !
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
