Ur skolaj merret gant an « Deskarded Auteil » eo skolaj Itron-Varia an Degemer Mat e Gored e su pellañ ar Gwiniegi. Ur skolaj Deskarded Auteuil da lavaret eo ur skolaj evit ar re o deus diskroget diouzh ar sistem klaskel. Ar pezh zo, bez ez eus kalz a grennarded estrañjour a-orin e seurt skolajoù. E Gored, a vloaz da vloaz eo deuet da vezañ fall-put an aergelc’h, ken eo bremañ ehanet an drederenn eus ar gelennerien da heul trubuilhoù a bep sort : taolet zo bet mein war ur gelennerez, stufet zo bet war reoù all, kunujennet e vez ingal ar skipailh pedagogel. N’hall ket mui an traoù kenderc’hel e-giz se !
Gant an niver a gelennerien ehanet n’eus ket mui nag a gentelioù saozneg, nag a gentelioù galleg ! N’eus ket mui a atebeg buhez-skol kennebeut, an hini diwezhañ en deus roet e zilez e miz here. A-benn an distro-skol a zeu, an hanter eus ar gelennerien a vo aet kuit hag e-korf pemp bloaz ez eus bet pevar rener e penn ar skolaj.
Deuet eo renerezh vroadel an Deskarded Auteuil betek Gored da glask renkañ an traoù e fin miz kerzu. Gant ar spi e c’hello adloc’hañ ar c’hentelioù war an hent mat. Skolidi zo a zo bet skarzhet ha kalonekaet ha kreñvaet eo bet ar skipailh pedagogel.
Feulster a zo muioc’h-mui er skolioù, skolajoù ha liseoù. Met abalamour da betra ha da biv ?
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
