Moaien e vefe d’ober ur Breizh-Info bemdez gant ar pezh a c’hoarvez e karter ar Bouletterie e Sant-Nazer !
D’ar meurzh 16 a viz genver e oa daou zen dirak al lez-varn evit un afer a drafikañ dramm. Unan all e-barzh ur c’harter ampoezonet gant se !
E miz mae 2022 e tegouezhas un eskouadenn a boliserien dirak ur savadur eus an alez Barbara. Un den a oa gantañ ur sac’h leun a draoù difennet : drogach, kountilli, ur gountell droc’h… arsanailh un den onest, anat d’an holl !
Hag un alc’hwezh a oa er sac’h ivez. Alc’hwezh ur ranndi hag en doa sachet evezh ar boliserien hag o chas rufler dija. Evel ma vefe dramm ennañ ! Nag ur souezhadenn neuze pa voe digoret dor ar ranndi : 16kg a gannab, 2kg a vutun droll, kokain, armoù otomatek, …
Dibosupl eo goulenn gant ar perc’henn petra eo ar stal-se ? Emañ en Aljeria ! Chaos !
A-benn ar fin eo bet serret daou labousig a oa diskred warno en trafik-mañ. Unan a zo dibaper. Kondaonet eo bet da zaou vloavezh toull-bac’h mui un OQTF. Met daoust hag e vo lakaet da dalvezout ? Amañ emañ an dalc’h.
Egile a zo bet kondaonet da 18 mizvezh a doull-bac’h.
Ar pennoù bras eus o zu a zo pell-pell eus Sant-Nazer dija. En tu-all d’ar mor kreizdouarel. A-raok distreiñ da Europa deiz pe zeiz ?
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
