Dre c’hras Doue ne oa den ebet er parkoù-mañ an deiz ma tremenas an tangwaller ! D’an 10 a viz eost e voe lakaet tan en ur bern botoù plouz e Kernevez-Raez, e Bro-Raez. Ha ne oa ket un tangwall dister : 20 tonenn a blouz a zo aet da ludu ! Ha 100 all a oa lipet gant ar flamennoù. Paneve paotred an tan e vefe bet kollet da vat an eost ! A-benn ar fin e voe savetaet 30 tonenn nemetken. Ha 70 a zo kollet-net !
Ya met 3 devez war-lerc’h ha 5 km ac’hann e tarzhas tan en-dro ! E Sant-Eler-Kaleon ar wech-mañ ma voe lakaet tan en ur bern plouz all. Hag a-hed an RD758 adarre !
An deiz-mañ eo 200 big-baller ha 200 round-baller a zo aet da ludu. Un eostad a netra evit al labourer-douar !
Emañ an archerien o klask war-lerc’h an tangwaller.
Crédit photo : DR (photo d’illustration)
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
