E Kreiz Breizh ez eus ur yezh pe ziv, pe deir o kemer plas ar brezhoneg (hag ar gallaoueg e reter Kreiz Breizh) er gevredigezh : ar roumaneg an hini eo. Mui ar mahoreg hag ar rromani e lec’hioù zo. E miz genver hor boa embannet ur pennad a-zivout ur skeudennaoueg teiryezhek mahoreg-komorieg/roumaneg-rromani embannet gant CIAS Bro-Lozaog. Kar, hiviziken, eo kentoc’h rromani pe romaneg a vez klevet e straedoù kêrioù zo ha n’eo ket brezhoneg. E Lozaog zo bet brasaet an ispisiri rouman betek deuet da vezañ an hini brasañ eus Breizh. E Pondi ez eus unan divent ivez. E Lambal, Koadlinez, Brieg, Skaer, Ploervaeg, Karaez ha betek e Lannarstêr pe Montroulez ez eus bet ez eus bet seurt kenwerzhioù. Hag ispisirioù breizhad a zo er c’hêrioù bihan eus Roumania ?
E Lozaog ez eus unan eus an tiez-boser hallal brasañ eus Breizh ivez. Ha chom a ra boserien « mod kozh » e kêr ? N’ouzon ket.
Ha bremañ e weler panelloù skrivet e roumaneg e stalioù dalc’het gant Breizhiz ! Mare zo bet e oa panelloù e saozneg e stalioù zo eus Bro-Dreger (ha chom a ra e lec’hioù zo) hogen hiviziken eo panelloù e roumaneg a vez gwelet. Pegoulz e vo staliet reoù e komorieg ?
Memestra evit ar skipailhoù fobal. E La Chèze (Ar Gez ? Ar C’hez ?), e-kichen Lozaog, da skouer zo bet savet ur skipailh maoran. Skipailh ar gumun eo bremañ !
Skipailhoù a-seurt se a zo un tamm e pep lec’h e Breizh : e Gwengamp, Sant-Brieg, Brest, Roazhon, Gwengamp, … Met er c’hêrioù-se eo UR skipailh e-touez reoù all tra m’eo ar skipailh nemetañ e La Chèze !
Emaomp o koll hor bro lennerien gaer. D’an daoulamm ruz ‘m eus aon.
Illustration : wikipedia (cc)
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
2 réponses à “Kreiz Breizh : ur vro divrezhonet”
setu al lezenn ar c’hinnig hag ar goulenn hag ivez heuliad hon dizalc’hiezh hollek diouzh Pariz…m’eus sonj …n’eo ket an dud-se (Roumaned, Mahoried) da damall, kentoc’h kouezhadenn hollek ar Vretoned eo a zo da damall
ar Vretoned o bonedoù ruz zo bet o kousket?
pelec’h emañ ar maouezed o reiñ lañs d’an emsavadeg (ar sardinetaerezed)
Peogwir ne fiñv ket an dud… n’eo ket kalon (ne dalvez ket lavaret ya)