Hetoù rektor Korsika e korseg

E Korsika ez a ar yezh war-raok anat, abalamour d’ar gouarnamant emrenour evel just.

Ar bloaz-mañ zo bet graet ur video divyezhek gant akademiezh Korsika evit hetiñ ur bloavezh mat da dud Korsika ha dreist-holl d’ar skolidi ha d’ar skolaerien.

Divyezhek korseg-galleg eo ar video ha seblantout a ra bezañ flour korseg ar rektor Rémi-François Paolini, ur C’horsad a-orin.

E Korsika, ez eus kentelioù korseg e 100% eus ar c’hlasoù publik ha 53% anezho a zo divyezhek.

Pegoulz e vo kement-all e Breizh evit hor yezhoù ?

[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine