D’ar sadorn 03 a viz here eo bet kelaouet ar redaksion eo eus Breizh an daou benn-toull-se ! Eus Plunered e Bro An Alre e vefe an hini kentañ hag eus Gwened e gomper. Gant ar vezh !
Met n’eo ket souezhus o welet petra emañ hor liseidi oc’h ober er mare-mañ er c’hêrioù ha war ar maez : stanket eo al liseoù e Breizh, ar re er c’hêrioù kement hag ar re war ar maez ha lakaet zo bet tan e liseoù eus Naoned pe Roazhon. Dindan dalc’h spered LFI eo hor yaouankiz ‘m eus aon.
E Korsika n’eo ket memes tra. E Bastia hag Aiacciu e oa Korsiz yaouank tolpet dirak o liseoù pe dirak ar prefeti evit sevel o mouezh a-enep ar pezh a zo c’hoarvezet e Portivechju. Evit difenn enor ar Werc’hez ha n’eo ket evit difenn an habaya pe me oar c’hoazh. Evel just e savont o mouezh evit berraat an devezhioù labour ha kaout aereroù en o salioù klas ivez.
An daou gañfard o deus disakret delwenn ar Werc’hez a zo bet serret ha klasket he deus ar polis kas anezhe da Vro-C’hall gant ar c’harr-nij met war an tarmak e oa Korsiz o c’hortoz anezhe. N’hallas ket mont kuit ar c’harr-nij gante kar al levier a nac’has kemer anezhe en e garr-nij.
Emaint c’hoazh kraouiet e Korsika o c’hortoz o frosez a vo e miz du.
Ur frailh a zo oc’h en em ledanaat muioc’h-mui etre Korsika ha Bro-Frañs.
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
