Fellout a ra d’an Deskadurezh Stad serriñ ar 6vet divyezhek brezhoneg-galleg e skolaj publik Prévert e Gwengamp. Kelaouet eo bet tud ar skolaj ha tud ar skolidi d’an 11 a viz gouere gant ar rektorelezh, da lavaret eo just a-raok ma vefe serret ar rektordi evit ar vakañsoù. Diaoul biskoazh ! Hag evel warlene o deus savet tud ar skolidi o mouezh a-enep an diviz-mañ dre vanifestiñ dirak ar skolaj, gante ar gannadez LFI Murielle Lepvraud hag ar senedourez PS Annie Le Houérou. Pelec’h e oa an RN ha Reconquête an deiz-mañ ? Den ne oar. N’eo ket bet kaset kemenadenn souten ebet na gant an RN22, na gant ar sekretourez nevez Thomas Goolaerts. A’i eo poent dihuniñ war sujed ar brezhoneg e Breizh !
Hervez ar rektorelezh n’eus ket a-walc’h a vugale evit kenderc’hel an hentenn. Hogen, pemp bugel a oa enskrivet e fin ar bloaz, evel warlene. Met ar bloaz-mañ eo bet uhelet ar limit : 6 a zo rekis bremañ !
Goulenn a ra Div Yezh Breizh e vefe cheñchet tu d’he c’hrampouezhenn gant ar rektorez. A-raok an distro-skol e vo manifestadegoù all evit reklem e vefe kendalc’het an hentenn.
Crédit photo : DR
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
