Gant ar gevredigezh Telenn eus Sant-Brieg zo bet savet ur program teiryezhek (brezhoneg-galloeg-galleg) war un arload arbennik evit ober anaoudegezh gant istor parrez Pleneventer, e su Sant-Brieg. Baludik eo anv an arload-mañ. « Na zisoñjit ket ez eus un hentad e Pleneventer a-drugarez d’an arload Baludik 
Gallout a reoc’h heuliañ Nanette a-benn dizoloiñ micher ar c’hannerezed oc’h ober tro poulloù-kannañ Pleneventer » eo ar gemenadenn kaset d’ar mediaoù gant Telenn evit prezantiñ Baludik.
Da gentañ e vo kinniget tro ar polloù-kannañ gant an arload, adal an ti-kêr. Mont a ra ar pourmener a boull da boull war 4km. Da bep poull-kannañ (« Douet » e galloeg) e c’hell ar bourmenerien selaou un displegadenn eus istor al lec’h. Ur senario a zo bet skrivet evit ma vefe plijusoc’h ar valeadenn, dreist-holl evit ar vugale. Dav eo dispenn roudoù « Nannette », ur plac’hig eus ar vro hag he deus kavet ur c’harned kozh en ur grignol ma vez displeget istor ar poulloù-kannañ ennañ hag un toullad a zegouezhennigoù da heul.
Gant ar gengevredigezh Telenn e vez merret Ti ar Vro/L’Öté war ar porzh, ur greizenn gouestlet d’hor sevenadur ha d’hor yezhoù.
Illustration : Telenn
[cc] Article relu et corrigé (orthographe, syntaxe) par ChatGPT.
Breizh-info.com, 2025, dépêches libres de copie et de diffusion sous réserve de mention et de lien vers la source d’origine
