An Oriant : ur plac’h ag ar CGT skarzhet pandegwir ema get an RN

Daniela Tiris oe ‘b’ar CGT ‘ba An Oriant. Glañdiourez eo ‘b’an ospital mes lakaet he deus he anv àr listenn an RN aveit an dilennadegoù-kêr-mañ za. Listenn Théo Thomas an hini eo. Flateourion ag an tu-kleiz o deus gwelet he anv ha lâret kerkent d’ar CGT. Hi zo bet skarzhet doc’htu kar ne andur ket ar sindikad e c’hellahe tud zo bout a-enep an enbroerezh. Ha c’hoazh, hag eo bet skarzhet ar vaouez pe oeit eo kuit he-unan ? N’eo ket akord an daou du àr ar poent-se. Reve ar CGT eo bet skarzhet d’an 30 a viz genver.

Get ar sindikad ag an tu-kleiz pellañ eh eus bet embannet un destenn lan a voralin èl kustum. Hag ar CGT da gomz ag an « Nazism » peotramant an « doug broadel » (ar « preferañs vroadel ») ennañ. Mare zo bet ma oe an tu-kleiz aveit an doug broadel, ur sort. Mes zo oe a-raok Mitterrand, a-raok ar wokism, pell zo bremañ. Ar pezh n’he deus ket komprenet ar CGT eo eh eus ur bouchad tud ag an RN ‘b’ar sindikad (peotramant tud a vot aveit an RN). Muioc’h aveit ar pezh a soñj !

[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.

Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.