Gant ar strollad e vez goulennet e vefe torret al lezenn a-enep ar mouch er skol hag er servijoù publik. Goude bezañ komzet eus Gaza noz-deiz abaoe ar 7 a viz here, emañ an UDMF o paouez adlañsañ ur c’houlzad war ar sujed-mañ.
Hag, evel just, e vez lakaet mouezhioù ar vuzulmaned en balañs : ha c’hoant ho peus da gaout hor mouezhioù er votadegoù a zeu ? Neuze, territ al « lezennoù a-enep ar vuzulmaned ».
Ha gant strolladoù zo, eus an tu-kleiz met ivez eus an tu-dehoù e vo efedus an drouktunerezh-mañ. Emañ ar votadegoù prezidant ha kannad o tont ha darn eus ar bolitikerien a vo prest d’en em werzhañ d’an diaoul evit bezañ dilennet en-dro.
War ar renk evit gwerzhañ o revr hag o ene e vo ar gaochisted. Hag abaoe lazhadegoù ar 7 a viz Here emañ kalz siouloc’h an traoù etre LFI hag an UDMF. A-raok e oa atav an UDMF war chouk LFI rak, hervez ar strollad muzulman, « e oa echu gant amzer ma veze komzet evit ar vuzulmaned gant ar strolladoù eus an tu-kleiz ».
« Echu gant amzer a borte-parolat » a lavaras ivez Rima Hassan justawalc’h. hag hi a c’houlenn en un doare soutil pe soutiloc’h e vefe « meur-ramplaset » an trotskourien kozh eus LFI gant « rasizet ». Met brezel Gaza an hini eo a sioulaas an traoù etre an daou strollad. Hag ar gasoni a-enep ar « sionism » hag « Israël » evel just. Ar sionism hag Israël pe un dra all ?
Ar pezh zo, gallout a raio an UDMF kavout mignoned hag emsaverien evit souten he c’houlzad d’ar 14 a viz gouere e Pempont (Il-ha-Gwilun). D’an deiz-se e vo aozet he fardon gant ar France Insoumise e Breizh ha pedet Jean-Luc Mélenchon. Hag e c’hello tud Brekilien klevet prezegennoù al leader maximo !
Met petra a c’hello lavarout da dud diwar ar maez, eñ ha ne c’houzañv ket anezho ? Marteze e raktres a rannvroioù nevez savet diwar ar diazadoù doureier ma vo aboliset Breizh er rannvro « Liger » !
Hag emsaverien Breizh a gendalc’h da souten ar France Insoumise !
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
