Emrenerien a vo war ar renk e Penn-ar-Bed evit ar votadegoù sened a vo e miz gwengolo a zeu. Philippe Plouzane maer UDB Kommana a vo e penn ar listenn. Enni e vo ivez Izold Gwegan, kuzulierez Karaez eus skipailh Kristian Troadec; Yann Uguen, kuzulier Plabenneg, bet prezidant Diwan ha Louise Le Coz kuzulierez Pont-Aven.
Soutenet e vo ar listenn-mañ gant UDB, BretagneProgrès, da lavaret eo strollad Kristian Troadec ha War Sav, ur strollad dizalc’hour eus an tu-kleiz pellañ. Ha « Dibab e Breizh : Breizh emren en ur Frañs gevreadel » e vo hec’h anv.
Evel just ne vo dilennet hini ebet eus ar re-se met, d’an nebeutañ, e vo klevet anv eus an emrenerezh e-pad ar c’houlzad-kabaliñ a zeu dre ma vo rediet ar mediaoù da reiñ ar c’haoz dezho ivez.
Hag e vo listennoù emrenour a seurt-se en departamantoù breizhad all ? N’eo ket bet embannet hini ebet evit poent.
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
Une réponse à “Emrenerien war ar renk er votadegoù sened e Penn-ar-Bed”
Mat ar souben bio e kegened ar Senat gant etrekostoù Larcher hag ar gwinoù.