Abaoe ouzhpenn 60 vloaz ez eo geriadur Al Liamm un dave e-touez ar geriadurioù brezhonek. Met abaoe bloavezhioù ne oa ket bet adwelet. Setu graet eo « Adwelet ha reizhet eo bet an embannadur nevez, hiriekaet ar c’heriaoueg » a embann Al Liamm war e lec’hienn internet.
« Ouzhpenn 60 000 pennger a gaver ennañ, un tu brezhoneg-galleg hag unan all galleg-brezhoneg dezhañ. Fraezh hag eeun eo ar c’hinnig. Ar stagadenn yezhadur a vo ur gwir rekour d’an implijourien hag implijourezed. Ar reizhskrivañ implijet er c’helenn hag ar vuhez foran a gaver ennañ. Un ostilh eus ar c’hentañ eo geriadur Al Liamm evit an neb a fell dezhañ implijout ur yezh wirion hag a-vremañ, forzh peseurt live a vefe gantañ pe ganti. Un ostilh prizius hag aes da gas gantañ eo, evit ar vrezhonegerien ha brezhonegerezed ampart kement hag evit ar re war an hent da vezañ. »
Ur video a zo bet lakaet en-linenn evit prezantiñ ar geriadur nevez. Drol eo e vefe implijet ar skritur inkluzivel gant Al Liamm er video-mañ met petra ‘ri, blaz ar wokism war e dalaroù a zo gant an Emsav c’hoazh. Drol eo memestra, dreist-holl pa ouzer e vez dasparzhet levrioù Al Liamm gant Palemon, ti-embann Jean Failler ha n’eo ket wok tamm ebet !
Foto : tapadenn skramm video bruderezh Al Liamm
[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.
Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.
