E Bro-Kemper, ar re a venne resevet drogach er gêr pe prenañ dilhad (dambrezet) diouzh ar c’hiz e oare penaos ober : pellgomz pe kas ur gemenadenn da Sap290, Fashionshop pe Ubershit290, diouzh an anvioù a ve gwelet war ar rouedadoù sokial. En tu-all d’al linenn, daou vreur eus Mayotte. Ganto e veze prenet an dilhad, dor Clignancourt e Paris, da lavaret eo e « marc’had al laeron », hag adwerzhet e Kemper. Hervezo, ur c’hanab a oa evito-daou nemetken, evit o « bevezerezh dezhe ». Met, e-keñver tout ar pezh a oa ganto (muioc’h evit ur c’hilo !), e soñj ar boleserien e oa kentoc’h evit trafikañ.
Heuliet o deus ar varnerien ali ar boleserien ha kondaonet eo bet an daou vreur d’ur vloavezh toull-bac’h tra m’en doa goulennet ar prokulor an hanter muioc’h !
[cc] Breizh-info.com, 2022, dépêches libres de copie et de diffusion sous réserve de mention et de lien vers la source d’origine
