Setu ar pezh a c’heller gwelet war ar rouedadoù sokial er mare-mañ. Emañ an Nevez-Brunswick o klask gallegerien evit bezañ skolaer e galleg er proviñs divyezhek-mañ eus ar C’hanada. Ha n’eo ket dre ar rouedadoù sokial nemetken e vez klasket debochañ an dud e-giz se, d’ar 24 a viz ebrel e vo ur mision o tibunañ he fater e Naoned. Ha soutenet eo ar c’houlzad-mañ gant ar gouarnamant gall dre ar “Frañkofoniezh”.
Normal eo e vefe klasket skolaerien gallegour e Bro-Frañs gant gouarnamant an Nevez-Brunswick rak ur yezh vinorelaet da wareziñ eo ar galleg er C’hanada. Met penaos e c’hell klask ar gouarnamant souten e-giz se ur yezh “rannvro” en Nevez-Brunswick (a-raok 1969 ne oa ket ken-ofisiel ar galleg er proviñs ha bremañ n’eus ken 1/3 eus an dud a zo galleger) tra ma klask ober ar c’hontrol e Bro-Frañs ma vez moustret ar yezhoù minorelaet (ha saoznekaet muioc’h-muiañ ar galleg ouzhpenn-se) ?
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
