E Luzevieg (Bro-Vaez) d’an 10 a viz here 2022 e oa tolpet tud en un davarn evit sellet ouzh ar c’hrogad mell-droad. Daou zen az a tre. Hervez unan anezho en defe ur strollad a baotred o sellet ouzh ar skinwell “lavaret komzoù gouennelour outo”. Ha jeu etrezo ! Mont a ra kuit eus an davarn tout an dud ha kenderc’hel a ra an afer er straed. Piv en deus kroget ? Amañ emañ an dalc’h. Ha komzoù gouennelour a zo bet lavaret ? N’eo ket sur… Ar pezh zo sur : kontellet eo bet un den gant ar paotr “gouennelet” ha gloazet don e vo homañ : 6 sizhunvezh a ITT memestra rak toullet eo bet e zorn !
A-benn ar fin n’eo ket bet kendrec’het lez-varn Naoned gant istor paotr e gontell. Hervez ar prokulor eo eñ a oa “tagus ha gourdrouzus” e emzalc’h. Ha n’eus tamm prouenn ebet e vefe bet lavaret traoù gouennelour dezhañ.
Da bevar mizvezh a doull-bac’h gant goursez eo bet kondaonet d’an 2 a viz ebrel.
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
