Mezvierien ? Gaochisted inervet ? Tud yaouank dibreder ? Den ne oar piv en deus lakaet freuz ha reuz e kêr Pleder, e bro zDinan, etre an 3 hag an 4 a viz mae. Pneuioù a zo bet toullet, kirri-tan ha tiez taget, drailhet eo bet ar privezioù foran ha gloued ar skol. Betek an difibrilator a zo bet distrujet ! Fuloret eo tud ar gumun ha, da gentañ holl, Évelyne Simon-Glory an itron vaerez.
Hag he deus an dagadenn-mañ ul liamm gant ar c’hameraioù eveshaat ? Da geñver al lid hetoù e miz genver, Évelyne Simon-Glory he doa lavaret e felle dezhi stagañ kameraioù a seurt-se war savadurioù ar gumun. Marteze ez eus tud chifet gant seurt raktres…
Emañ an archerien war o lerc’h atav.
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
