E Saint-Germain en Coglès (« Sant-Jermen-Gougleiz » hervez Wikipedia met n’eo an anv-se un anv brezhonek istorel) e bro Fougères zo bet livachet ur c’halvar e penn-kentañ ar sizhun. E kroashent Rouillon emañ ar groaz. Lakaet eo bet pentur roz ha melen warnañ. Fuloret eo ar maer evel just ha kinniget eo bet gant ar gevredigezh SOS Calvaires da sikour ar gumun evit netaat ar groaz.
« Que Dieu sauve la France » ha « Famille Lejeune » a zo skrivet war e zroad. Savet eo bet goude 1918 evit enoriñ harozed ar Brezel Bras. Daou soudard anvet « Lejeune » a zo marvet e-pad ar brezel bed kentañ e Saint-Germain ha surawalc’h eo bet savet ar c’halvar-mañ gant familh unan anezho.
Emañ an archerien o klask war-lerc’h an hailhoned o deus graet an taol.
Crédit photo : DR (photo d’illustration)
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
