En em dolpet o deus dirak ar skol bublik tud ar vugale d’an 19 a viz genver e Ploueg-ar-Mor (Bro-Oueloù) evit difenn an hentenn divyezhek en arvar. Teir c’hlas divyezhek brezhoneg-galleg a zo er skol-mañ (diwar nav) met re eo evit ar rektorelezh war a seblant. Fellout a ra d’an deskadurezh-stad serriñ ur c’hlas ha strewiñ ar vugale, forzh peseurt oad e vefent, e div glas lies-liveoù, pezh a nac’h o zud. « Pevar pe pemp live en ur c’hlas, se zo re » a gleved d’an 19 a viz genver.
Hervez prezidant ar gevredigezh Div Yezh n’eus ket kelennerien a-walc’h tra ma zo muioc’h-muiañ a dud a fell dezho enskrivañ o bugel en hentennoù divyezhek.
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
