D’an 22 a viz here 2022 ez a ur plac’h yaouank da dennañ arc’hant d’ar “puñs” e karter ar C’hêriadennoù e Sant-Brieg. 7e30 mintin eo. Ne vern, T., penn-dramm ar c’harter a zo savet dija. Hag emañ “war yun” a zrogach. A-boan m’eo bet tennet an arc’hant gant ar plac’h yaouank ma vez skoet ganti ha strimpet a c’haz lakrimo !
Ur vaouez eo he deus skoet ganti. Klask a ra ar charlezenn laerañ he sac’h digant he reuzied met derc’hel mort a ra. He alc’hwezioù a zo e-barzh hag er gêr emañ e vab e-unan ! Siwazh, ranket eo da ziskrog ha mont a ra kuit al laerez e-barzh ur c’harr-tan bleinet gant ur c’homper dezhi. Notennet eo bet sifroù ar blakenn-varilh gant ar reuzied.
N’o deus ket ar boleserien re a boan evit adkavout plac’h an oto. Ur penn-dramm en he 38 vloaz eo. Anavezet mat ganto. 17 menneg war he roll lez-varn dija. Anzavet he deus d’he c’hoar-gaer he doa skoet gant ur vaouez evit laerañ he sac’h ha paeañ he c’hrak hag ar c’hokaïn az a ganti. Kemer a ra krak, n’eus tamm spi ebet eviti…
Met hervezi “an holl dud a gemer dramm” neuze n’eo ket sujed dezhi. ‘Fin, pas muioc’h eget ar re all. Ma…
D’ur bloavezh toullbac’h eo bet kondaonet d’ar 16 a viz ebrel gant lez-varn Sant-Brieg.
[cc] Breizh-info.com, 2024, dépêches libres de copie et de diffusion sous réserve de mention et de lien vers la source d’origine
