En eur hiziv ez eus ul lise en euskareg dre soubidigezh en Norzh : al lise Bernat Etxepare an hini eo, e Baiona. Ul lise Seaska eo evel just.
Hogen, tost leun eo hemañ. Muioc’h eget 500 lisead a zo skoliataet ennañ (evit un hanter-zepartamant !) ha darn anezhe a zeu eus pell hag n’hallont ket distreiñ d’ar gêr bemnoz.
Abaoe pell emañ Seaska o prederiañ war sevel un eil lise. Met pelec’h ? 5 kumun a oa war ar renk : Cambo, Itxassou, Saint-Palais, Urrugne hag Ustaritz. A-benn ar fin ha diwar meur a abeg eo bet choazet kumun Saint-Palais, e Naffaroa-Izel evit staliañ al lise nevez. E reter Ipparalde emañ Saint-Palais ha se a gontas kalz er choaz-mañ. Mod-se e vo moaien kaout muioc’h a vugale o tont eus proviñs ar Soule da skouer.
Evit poent ez eus 33 ikastola, pemp skolaj hag ul lise Seaska e Bro-Euskadi an norzh. 13% eus ar skolidi kentañ derez a zo skoliataet en Ikastola, met evit a sell ouzh al liseidi n’eo ket memes kont kar n’eus ket nemet 6% anezhe a zo skoliataet en ul lise en euskareg.
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
