Naoned : un taol kontell evit ket ha netra

E Naoned e oa bet kontellet un den yaouank d’ar 7 a viz gwengolo 2024. Evit ket ha netra. Tro 5e15 beure e oa yaouankizoù o vutunañ trankilik nepell eus un toull-noz. A-daol-trumm e tegouezhas ur strollad a dud a oad gante. Goulenn a rejont gant an daou zen hag o doa « gwelet div blac’h o tremen ». Unan eus ar re-se a oa nerzhus, tagus. Hep tamm abeg ebet e tapas krog en e gontell hag e kontellas unan eus an daou vutuner, ur studier.

Hag eñ gloazet. Gwad o rouilhañ. En ospital e vo adwriet. 6cm a ledander ha 3cm a zonder e vo e c’hloazadenn memestra.

D’ar 16 a viz gouere e oa prezantet ar c’honteller d’ar barner e Naoned. Un animatour evit ar vugale eo eñ. Ne oar ket perak en deus graet se. Hervezañ en defe ar studier en em chetet « e-unan » war e gontell e-kerz un taol bec’h. Met ne don den ebet gantañ.

War a seblant en doa « aon » abaoe miz kar un taol boutailh en doa paket war e benn miz a-raok. Siwazh dezhañ e oa anavezet gant ar justis dija. Un afer a feulster en tram e 2021…

A-benn ar fin e vo kondaonet da c’hwec’h mizvezh gant goursez. Da lavaret eo etre ket ha netra.