Pardon bras Santez-Anna Gwened e oe an dibenn sizhun-mañ. Kantadoù ha kantadoù a fideled zo daet da bediñ ha da enoriñ maeronez ar Vretoned. Ar blez-mañ c’hoazh eh eus bet roet ur plasig d’hor langach, ur plasig hep ken : disadorn da 9e eh eus bet un overenn « FLB » (Galleg, Latin, Brezhoneg). Mes, an oferenn veur, hini ar sul da 1e gm a oe en… arabeg ! Faotañ a rae d’an eskopti enoriñ ar gristenion o tonet ag ar broioù arab a zo ‘ba Breizh bremañ.
Bep miz e vez groet un oferenn aveite dija, ‘ba chapel ar Werc’hez, a-c’houde an hini e brezhoneg da 10e30.
Crédit photo : DR
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
2 réponses à “Santez-Anna Gwened : un overenn en arabeg aveit ar pardon bras”
Bep kentañ sul ar miz e vez an Oferenn e chapel ar Werc’hez e Santez Anna Wened da 9 eur.
Amañ roll an Oferennoù brezhoneg a vez e Breizh a-hed ar bloaz https://emglev.wordpress.com/category/roll-hizivaet-an-oferennou-brezhonek-a6hed-ar-bloaz/
D’ar Gwener e voe prosesion ar gouloù en ur chapelediñ : ur chapeled a voe e brezhoneg, ha goude e sinaeg war a seblant.
Reizhadur : oferenn-veur ar Sul a oa e galleg, latin ha brezhoneg evel kustum. Da 1 eur g.m. e oa an oferenn en arabeg.
Bep Sul kentañ ar miz, an oferenn e arabeg zo lidet da 11e45, goude an oferenn e brezhoneg (10e30)
e chapel ar Werc’hez.
Mat e vefe gwiriañ an titouroù a-raok embann ur pennad.