Araok an Emglev, an dizemglev ! E Katalonia ar su n’eo ket a-unan hag a-unvouezh ar strolladoù broadelour diwar-benn an « Emglev broadel evit ar yezh » hag a vo sinet memestra d’an 13 a viz mae. Abaoe bloavezhioù e vez reklemet seurt emglev gante hogen lod o deus kavet e oa re a sioù e-barzh an hini lakaet war an daol gant ar prezidant Salvador Illa (PSC).
Òmnium Cultural ha Plataforma per la Llenga, ar c’hevredigezhioù ganet diwar ar gevredigezh sivil a sino, ‘pezh ne raio ket gaochisted ar C’hUP pe Junts, strollad Puigdemont. Lezenn ar 25% amañ emañ an dalc’h. Emañ gouarnamant Madrid o klask rediañ an holl skolioù da gas 25% eus ar c’hentelioù e kastilhaneg, ar pezh a dalv ne vo ket mui a skolioù e katalaneg dre soubidigezh. Emañ an afer dirak lez-varn bonreizhel ar stad spagnol hag an holl strolladoù broadeloù a c’hortoz diviz al lez-varn-mañ. Met fellout a ra d’ar C’hUP ha da Junts e vefe skrivet un dra bennak diwar-benn al lezenn-mañ en Emglev Broadel, pezh n’eo ket bet graet gant gouarnamant PSC ar Generalitat.
Crédit photo : DR (photo d’illustration)
[cc] Breizh-info.com, 2025, dépêches libres de copie et de diffusion sous réserve de mention et de lien vers la source d’origine
