Sant-Vran (22) : ar c’hloc’h zo deuet en-dro !

E kreiz bourk Saint-Vran, e Bro Menez (22), ez eus un iliz bras-meurbet. Perak ? Den ne oar rak Sant-Vran a zo ur gêr vihan. En iliz-mañ ez eus koadaj evit ar c’hleier. Renevezet eo bet ar c’hoadaj-mañ nevez zo rak arruet kozh e oa. Evit hen ober e oa bet tennet an teir c’hloc’h a oa e penn tour an iliz. Hogen pa oant bet kaset d’an diaz e oa bet gwelet e oa e stad fall unan anezhe. Ur frailh a oa war he divskouarn. Kaset eo bet da vezañ renevezet kerkent.

D’ar lun 15 a viz even eo bet adlakaet an teirvet kloc’h d’he flas e penn tour iliz Sant-Vran. He div c’hoar a oa bet adstaliet kent. An deiz a-raok e oa bet benisaet ar c’hloc’h gant person ar parrez e-kerz an oferenn. Ur bern tud a oa en iliz evit gwelet ar c’hloc’h renevezet ha n’eo ket bep sul ez eus kement ha dud e iliz Sant-Vran. Met ur sul ispisial e oa. Kar graet he doa ar c’hloc’h un hir a veaj evit bezañ adkempennet : fiziet e oa bet d’un embregerezh ispisializet a zo e reter Bro-C’hall !

Fotoioù ar c’hloc’h hag an overenn

Foto : ti-kêr Sant-Vran

[cc] Article rédigé par la rédaction de breizh-info.com et relu et corrigé (orthographe, syntaxe) par une intelligence artificielle.

Breizh-info.com, 2026, dépêches libres de copie et de diffusion sous réserve de mention obligatoire et de lien do follow vers la source d’origine.