A-drugarez da “loto ar glad” e vo renevezet murlivadurioù chapel an Douligard e Saoudan, e Bro Vaez. Ar bloaz-mañ e vo resevet arc’hant al “loto” gant 100 lec’hienn ha dibabet e oa bet ar chapel-mañ gant skipailhoù Stéphane Bern. Al lec’hienn nemeti e Liger-Atlantel eo ha 50 000€ a vo resevet gant perc’hennerien nevez ar chapel. Pezh n’eo ket netra…
E 2021 e voe adprenet ar savadur relijiel-mañ ha, dre zegouezh, e voe kavet murlivadurioù eus an XVvet kantved dindan an endu. Kerkent ha renevezet e vo digoret ar chapel d’an holl evit ma c’hellfe tud ar vro dont da welet al livadurioù ha pediñ an aotrou Doue.
Crédit photo : Mme Le Rest & Mme Karen Chauve
[cc] Breizh-info.com, 2023, dépêches libres de copie et de diffusion sous réserve de mention et de lien vers la source d’origine
